వానలో గుమ్మడి ఒడియాలు

వానలో గుమ్మడి ఒడియాలు _౩
వంట చేస్తున్నానన్న మాటే గానీ గుమ్మడికాయ ముక్కలు తోరణాల్లా నా కళ్ళ ఎదుట వ్రేలాడుతున్నాయి.పని అమ్మాయి "అప్పటికిఅంది,ఆ అప్పటికి ఎప్పటికో"అని చింత.పాపం మాట ప్రకారం వచ్చింది.ముక్కలనందించి ,అది పెద్దగా తరిగితే వాటిని మల్లి చిన్నముక్కలు చేసి పూర్తీ చేసే సరికి మణికట్టు,జబ్బలు,చేతి వేళ్ళు ఒకటే నొప్పి."నేను రాకపోతే నీవల్ల అయేదికాదు గంద"అంది.నిజమే!.ఇంగువ తెప్పించి "చిల్లర వుంచుకో"అన్నా.నాకొక చిరునవ్వు ప్రెజెంట్ చేసి వెళ్లి పోయింది.ఒక అరకిలో పచ్చి మిరపకాయలు తెచ్చిపెట్టవేఅన్నామ్మాయితో."ఎందుకె అమ్మా?మిర్చిభాత్ చేస్తావా?అంది.
కాదు,మీఆయనకి వడియాలు కారంగా వర్రగా వుండాలికదా.ఈవడియాలలో ఎండుకారం వేస్తె రాళ్ళలా బిగుసుకుపోతాయి.వెళ్లి తెచ్చింది.మిర్చిపిండిలో కలిపెసరికి వేళ్ళు మండిపోయాయి.పచ్చి వడియాలు వడ్డిన్చగానే అల్లుడి మొఖం విప్పారి తిన్నాడు.కష్టమంతా గాలికి ఎగిరిపోయింది.ముక్కలన్నీ అరడజను పళ్ళాలలో పెట్టి డైనింగ్ తబిల్ మీదపెట్టి ఫాన్ వేసాను ఆరడానికి.అల్లుడు అటు వెడుతూ వాటి వంక ఆప్యాయమ్గా చూసుకొంటున్నాడు.రాత్రికి మళ్ళి
వదియాలే!ఇంకా ఇన్ని ముక్కలు మిగిలాయి.సీతకి ఫోన్ చేసి"బూడిద గుమ్మదికాయ్ వడియాలు తింటారా?అన్నా.ఆహా!అందిసీత.పచ్చి వడియాలు-అబ్బ అవయితే మరీ ఇష్టం ఈకాలం వడియాలెవరు పెడతారు!"నేనే "ఏం కష్ట పడతావులే! వద్దు."పడ్డానే!చాలామిగిలాయి,నువ్వు తిన్టానంటే పంపిస్తా"మీరు తినందే""మేముతిన్నములేవోయ్"అని గిన్నెలో సర్ది పంపించా."పచ్చి వడియాలుతిని!నాలుగు ఎల్లయిందే!అందరికి ఫీట్ అయాయి.{అంటే అందరికి నచ్చాయి అని అర్ధం వాళ్ల భాషలో}అంతా అల్లుడిదయ అన్నాను. ఇంకా నాలుగు పళ్ళాలలో వున్నాయిముక్కలు.మర్నాడు పొద్దున్న "అల్లుడు ఏమి టిఫిన్ తింటాడో అడగవే అంటే ,అల్లుడు పేపర్లోంచి తల బయటికి పెట్టి "వడియాలుంటే టిఫిన్ ఎందుకు?పదిన్నరకి అన్నం తిని వెడతా అన్నాడు.కొంచెం వాన తగ్గింది కాని గాలి చల్లగావుంది.ఫాను నిర్విరామం గా తిరిగి వడియాలు ఆరబెట్టటానికి కృషి చేస్తున్నది.ఇక విసుగోస్తున్నది.నాకొక అయిడియా వచ్చింది.ముక్కలు కాస్త తడి ఆరాయి.వీటిని మిక్సీలో వేసి పొడిచేసి బీరపోట్టులాగా డీప్ ఫ్రై చేస్తే ఎలావుంటుంది.అలాగే చేసి వడ్డించా.మావారు వీలైనత వికృతంగా మొఖం పెట్టి"ఇదుగో!ఈచెత్త నీకిష్ట మైతే నువ్వు తిను కానీ నాకు వెయ్యకు అన్నారు.చెత్త ఏమిటండీ !తినేవస్తువుల్ని చెత్త అనకూడదు.పాపం ఆటను దూరం నుంచి మోసుకొచ్చాడు అన్నా."ఆయనకిష్టం గనుక మోసుకొచ్చారు"అంది మా అమ్మాయి.
నిజానికి ఈపోది వేడివేడి అన్నం లోకి బాగుంది."రండి-వండి వార్చండి"అనే ప్రోగ్రాంలో చెపుతే అందరూ చేసుకొంటారు.అసలు ఎండాకాలంలో గుమ్మడి ముక్కలు ఇలా పొడిచేసి నిలవ వుంచుకొంటే చలికాలంలో వేయించుకు తినొచ్చు.
అల్లుడు వూరునుంచి రాగానే "రాత్రికే ప్రయాణం. ఇంకా డజను పనులున్నాయి.అన్నట్లు మా అమ్మ గుమ్మడికాయ పొడి వేయించి పెట్టిందిమీకోసమంది. "ఏమిటీ గుమ్మడి పోడా?ఏదీ పట్రా అని చిటికెడు నోట్లో వేసుకొని" ఇది నా బాగ్ లో పెట్టు ,ఫ్లైట్ లో కాలక్షేపానికి తింటా.ఆపనులేవో చెప్పు నేగాబగాబా చేసుకు వస్తా.అని చెప్పులేసుకు బయల్దేరాడు.మా అమ్మాయి నావంక చూసి నవ్వింది. గుమ్మడికాయ సొమ్ము చేసినందుకు, అల్లుడి చేత గౌరవింప బడ్డందుకు చెప్పలేని తృప్తి కలిగింది.

వానలో గుమ్మడి ఒడియాలు -2

వానలో గుమ్మడి ఒడియాలు
నామనసు చిన్నబోయింది."పోనీలెండి మీరు అమలాపురం వెళ్తున్నారుగా
అక్కడ మీవేలు విడిచిన మేనత్త వుండండి,ఆవిడ ని చేసి పెట్ట మనండి.అంది అమ్మాయి.మర్నాడు అల్లుడు అమలాపురం వెళ్ళాడు.నాలుగురోజుల తరవాత తిరిగి వచ్చాడు.ఈలోపున నాకు తెలిసిన వాళ్ళందరికీ గుమ్మడికాయగురించి వాకబు చేయమని చేపుతూనేవున్నా.
మా వారికి కూరతినడమే కానీ తేవాలని తెలియదు.ఇలాటి పనులు చెపుతే
ఆయన చెవుల్లో ఇన్ స్టాంట్ గా చెట్లు మొలుస్తాయి.
అల్లుడు వస్తూ వస్తూ కడవంత గుమ్మడికాయ మోసుకొచ్చాడు.ఆనందం నిండిన కళ్ళతో అది నాచేతికే ఇచ్చాడు."ఎంతపెద్ద కాయో?పట్టుకొంటే నాచేతులు కిందకి వంగి పోయాయి.మా అమ్మమ్మ అనేది గుమ్మడికాయ ఆడవాళ్ళు పగల కొట్ట
కూడదని.మాతాతయ్య కొడితే అమ్మమ్మ ముక్కలు కోసేది.ఈయన ఆరింటికే బయటికి వెళ్లిపోయారు.అల్లుణ్ణి అడగక తప్పలేదు.గుమ్మడికాయ నేలకేసి కొట్టమంటే అతనెంతో నోచ్చుకొన్నాడు.
కాయ చేతిలో పుచ్చుకొని "కొట్టాలా? నేలకేసికొట్టనా?"అని సుతారంగా
పడేసాడు."అయ్యో సోకు నేకోత్తనా?అనికొంగు నడుముకు దోపింది.నేను
ఆగు అని సైగ చేశా.ఘట్టిగా కొట్టనా?అన్నాడుఅల్లుడు.పగాలాలంటే మీరు వడియాలు తినాలంటే అంతేమరి,అందిఅమ్మాయి.ఈమాటు దభీమని కాయ నేలకేసి కొట్టాడు.కాయ పగిలి ముక్కలు ఇల్లంతా చిన్డాయి.ఇవన్నీ
ముక్కలు కొయ్యాలి బాబోయ్ ,అనిపించింది.మా అమ్మాయి కొంచెం తేరుకొని "మీ అత్తయ్య ఇంట్లో వడియాలు తినిరలేదా?అంది.
"ఆవిడ వూళ్ళో లేదు,తో టలోకాసిందని మామయ్య కోసి ఇచ్చాడు.ఎంత పెద్దకాయో! బాగుంది కదా?"అన్నాడు.గారెల కోసం పిండి గ్రైండ్ చేశాను,దానితోనే వడియాలు చేస్తేసరి అనుకోని ముక్కలు కోయడానికి కూర్చున్నాను.కత్తిపీట కాకేత్తుకుపోయింది.చాకులదే రాజ్యం.కాని ఈచిన్న చాకుతో ఎలాకోయడం?గుమ్మడి ముదిరి పెచ్చు దేకోలెం చెక్కలా ఘట్టిగావుంది.కాయంతా అరచేయ్యంత ముక్కలు చేసిపెట్టా.మెత్తని భాగం పైపైన కోసి చిన్నముక్కలు చేశా ,వాటిని ఉప్పు వేసి దంచి పాట బట్టలో మూటకట్టి ముడేసి దానిమీద ఎత్తు రోలు పెట్టాలి.ఎన్నాళ్ళుగానో రోలు, పచ్చడి బండ ఇంట్లో వున్నాయి.వాటిని వాడి చస్తేగా.మిక్సీలు వచ్చాయిగా వాటి మొఖమే చూడటంలా.ఈమధ్య మాచేల్లెలి కూతురి పెళ్ళికి పసుపు దంచడానికి కావాలంటే ఇచ్చా.ఇపుడు దీనిమీదేం ఎత్తు పెట్టాలి.నీరు ఓడకపోతే పిండి జావ జావ అవుతుంది.జై పూర్ నుంచి తెచ్చిన గ్రానేటు అప్పడాల పీట పెట్టి,దానిమీద అలూల బుట్ట పెట్టి,దానిమీద వుల్లిపాయల బుట్ట పెట్టా.వానాకాలం.పతివ్రత కన్నీళ్ళలా వాన నిశ్శబ్దంగా కురుస్తూనేవుంది.ఈ గుమ్మడికాయ ముక్కలు ఆరకపోతే బూజు పడతాయి.ఫ్రిజ్ లో పెడదామా అంటే అదీ నమ్మకం లేదు.ఆఘట్టి ముక్కలు ఎలాతరగాలి?పనిఅమ్మాయి వస్తే దాన్ని బతిమాలదాం అనుకోని అది తోమాల్సిన గిన్నెలు నేనే తోమి అడిరాగానే గ్లాసుడు టి.ఇచ్చి టి.వి ఆం చేసి,చాలా సౌమ్యంగా "గుమ్మడికాయ ముక్కలు తరిగి పెట్టాలే!"అన్నా.అప్పటికి చేస్తా"అని వెళ్ళిపోయింది.

వానలో గుమ్మడి ఒడియాలు

వానలోగుమ్మడి ఒడియాలు
పెళ్లి అయి అమెరికా వెళ్ళాకా మా అమ్మాయి రెండుమూడు సార్లు వచ్చి వెళ్ళింది.కాని అల్లుడుగారికి రావడం కుదరలేదు.ఎ పెళ్ళో ,వడుగో అయినా విదేశాలలో వాళ్లు కాళ్ళు కదపడం కష్టమే!దూరమూ, ధనాభారము,శెలవుల బేరమూ పాలపొంగు లాటి వాళ్ల+మన ఆశలమీద నీళ్లు చల్లుతూ వుంటాయి.మనకేమో మామిడాకు గుమ్మానికి తోరణం కట్టగానే మనవాళ్ళందరూ రావాలనిపిస్తుంది.వాళ్ళతో సంప్రదించి ముహూర్తాలు పెట్టినా ఒకోకసారి వీలుపడదు.అమ్మాయితరఫు శుభాకార్యమయితే అమ్మాయి,అబ్బాయి తరఫు శుభ కార్యమయితే అబ్బాయిఎలాగో వస్తారు.ఒక్కొక్కరే వస్తే వెలితిగానే వుంటుంది.మల్లెపూలు కనకాంబరాలు కలిపి మాలకడితే వచ్చే అందం వేరు.ఒక్క మల్లె పూలతో ఒక్క కనకామ్బరాలతో మాల కడితే వచ్చే అందం వేరు .అల్లుడూ,అమ్మాయి కలిసి రావాలని నాకోరిక.ఎక్కడికక్కడికే వెంకట లక్ష్మి అని సరిపెట్టుకోవాలి . ఈమాటు మా అల్లుడికి నెలరోజులు ఇండియాలో పని చేయమని అనుకోకుండా ఆర్డర్ వేసారు.అమ్మాయికూడా వస్తున్నానని వ్రాసింది.అబ్బ!ఎంత ఆనందమో!ఇల్లంతా కిందా మీదా చేసి
సర్ది ,కరక్కాయలు కాన్నించి సరుకులు తెప్పించి {అల్లుడికి ఏమి లోటు రాకూడదు కదా!}నాలుగు రకాల కారంపింది వంటలు,ఒక్తీపి పిందివంతా చేసి ఎదురుచూసాను.
ఎన్నాళ్ళకో అల్లుడు వచ్చాడుఅందుకని అతనికేమి ఇష్టమో అమ్మాయిని కనుక్కొని వంట చేశాను.అల్లుడు భోజనం చేస్తూ "నువ్విలా చేయవెం పులుసు?పులుసంటే నీకు అలుసు.అన్నాడు.ఆహా!ఇప్పుడసలు పులుసు రుచి తెలిసిందా?అక్కడయితే నేచేసిన పులుసు అమృతంలా తాగేవారు.అన్నది.వాళ్లమాటలుకత్తిరిస్తూ"నెయ్యివెయ్యమంటారా?
అన్నాను. నన్ను పొగడినందుకు వచ్చిన గర్వం అప్రయత్నంగా గొంతులో ధ్వనించింది.ఏమిటో ఆడ వాళ్ల మనసు కాస్త పొగడగానే పులకా లాగా పొంగి పోతుంది."గుమ్మడికాయ వడియాలు దొరుకుతాయా?"అన్నాడు అల్లుడు."ఆ!వున్నాయి,వేగిస్తాను,నిముషం అని వేగించి పట్టు కెళ్ళాను.
ప్లేటు లో వేయబోతూంటే "అబ్బే!ఇవికావండీ!పచ్చి వడియాలు"అన్నాడు.
అప్పుడు గుర్తుకు వచ్చింది,ఓహో!వీళ్ళు గోదావరి జిల్లా వాల్లుకదా,గుమ్మడికాయ వడియాలు ఎండ బెట్టకుండానే పచ్చివి నూనెలో
వేయించుకు తింటారు.గుమ్మడికాయ తెప్పించి రేపుచేస్తా!అన్నాను .అల్లుడిమొఖం అరవిందం లా వికసించింది ."రేపు చెయ్యండి,మళ్ళి నేను సర్వే కి టూర్ వెళ్ళాలి"అన్నాడు.నేను తలూపాను.భోజనాలయాక డైలీఫ్రెష్కి ఫోన్చేశాను"బూడిదగుమ్మడికాయవుందా?"అని."వుంది".అనిజవాబు.
చెప్పులు వేసుకు బయల్దేరి వెళ్లి చూసా!ఎక్కడా గుమ్మడికాయ కనపడ లేదు."ఏది!గుమ్మడికాయ వుందన్నారు?""ఇదుగోనండీ!అనిఅతను స్టోర్ రూంలోకి వెళ్లి హనుమంతుడు సంజీవి పర్వతాన్ని తెచ్చినట్లు తియ్య గుమ్మడి పండు ఒకటి తెచ్చాడు.ఇదికాదండీ!బూడిద గుమ్మడికాయ కావాలి వడియాలు పెడతారు,సాంబారులో వేస్తారు,కూట్చేస్తారు,హల్వా కూడా చేస్తారు అదిఅన్నా".అదా!అది లేదండీ!"మరినేను ఫోన్ లో అడిగితె వుందన్నారు?""బూడిద అనే మాట వినపదలేదండీ!గుమ్మడి అనే మాట ఒక్కటే వినిపించింది."నా వాచా దోషమో,డోర్ భాశాయంత్ర చాకచక్యమోఅనుకొని "పోనీ రేపు తెప్పిస్తారా?""సరిగ్గా పదకొండు గంటలకల్లా రండి.""సరే!మర్చిపోకండి."అనిమెట్లు దిగుతూచెప్పివచ్చేసా.
మర్నాడు పదకొండు గంటలకల్లా పనులన్నీ సగం లో వదిలేసి ఫ్రెష్ కి వెళ్ళా.వానులోంచి తాజాకూరలు గోనె సంచుల్లో,ప్లాస్టిక్ సంచుల్లోదిగాయి.
హమ్మయ్య!సమయానికే వచ్చా అనుకోని"ముందు గుమ్మడికాయల సంచి తీయండి,నాకొకటి ఇస్తే నే వెళతా "అన్నా.సంచులు దొర్లించి "బూడిద గుమ్మడి దొరకలేదటమ్మా!"దొరకలేదా?అన్నానుగాని సంచుల్లో వున్నాయేమో అని ఆశతో అవన్నీ తీసేదాకా నుంచున్నా.ఇంతలొ మా అమ్మాయి వచ్చింది."ఇక్కడే వున్నావా?""అవునే!గుమ్మడికాయ లేదుట.పోనీ రైతు బజారు కి వెళ్దామా?""నీ పిచ్చిగానీ అక్కడమాత్రం వుంటాయని నమ్మకమేమిటి?"పాపం అల్లుడు అడిగాడే!"'పాపం లేదు,పుణ్యం లేదు,చేసిపెట్టే వాళ్ళుంటే ఆయన అట్లా అడుగుతూనే వుంటారు.పద,జనరల్ బజారుకి వెళ్ళాలి."అంది.
అనుకోన్నట్లుగానే అల్లుడు భోజనం దగ్గర కూర్చోగానే"వదియాలేవీ?
అనిఅమ్మాయిని అడుగుతున్నాడు."గుమ్మడికాయేదొరకనిదే వడియాలేలా వస్తాయండీ?మీరు త్వరగా తినండి. బజారెల్లాలి ,అంది.