స్వీయ కధనం

నేను ఆంద్రప్రదేశ్ లో కృష్ణా జిల్లాలో నూజివీడు లో మా తాతగారింటిలో (
అమ్మ నాన్నగారు )పుట్టాను .ఎప్పుడంటారా ,1937 లో .మాతాతగారు ఉయ్యూరు కుమారరాజాగారి హైస్కూల్ లో ఇంగ్లీష్ మాస్టరు , శ్రీగిరిరాజు రామచంద్రయ్యగారు . మా నాన్నగారు రావూరు వెంకట సత్యనారాయణ రావుగారు .నేపుట్టిన తరువాతే


నాన్నగారు "కృష్ణా పత్రిక లో చేరారు . నాబాల్యం ౧౨ ఏళ్లు బందరులోనే గడిచింది .ఆరోజుల్లో ఆడపిల్ల బయటికి వెళ్లి చదవటమంటీ అభ్యంతరం గానే వుండేది . ఇల్లు పుస్తకాలే నా ప్రపంచం . మావారు .టి .ఆర్ .రావు గారు . సుదర్సన్, ప్రవీణ్ , మురళి , వేదు మా అబ్బాయిలు .మావారు 5 ఏళ్ళ క్రితం చనిపోయారు . ప్రస్తుతం నేను మాపిల్లల్ని చూడటానికి అమెరికా వచ్చాను . ఇక్కడ చాలా విశ్రాంతిగా కూర్చోవటం వలన , ఏదైనా చేయాలని కుతూహలం పెరిగింది . మాపెద్ద కోడలు కంప్యూటర్ కి సంబంధించిన ఉద్యోగం లో వుండటం నాకూ లాభాకారి అయింది . చాలా సతాయించి కం .లో ఈ .మెయిల్ పంపటం నేర్చుకోన్నాను . జీవితంలోని పడమటి సంధ్యలో కూర్చుని , క్షణాలు చేతిలోంచి జారిపోతూంటే ఏదో ఒకటి చేయాలనే తపన నన్నీ పనికి పురికొల్పింది . దీనివలన మీ భావాలు నాభావాలు ప్రకటించుకొనే అవకాశం కలుగుతుందని ఆశిస్తున్నాను .
టి.జ్ఞాన ప్రసూన