అమృతబిందువు

అరణ్యంలో కాలి బాటలా

ఎడారిలో చెలమలా

నీరవ నిశిరాత్రి చీకటిలో

దివ్య కరదీపికలా

చెంపలపై కారే కన్నీటిని

అదృశ్యంగా తుడిచే హస్తంలా

చూసిన ప్రతిసారి కళ్ళల్లో

నవ్వయి వెలిగే మనసులా

తెగిన ఆశల మాలల్ని నమ్మకంగా

దాచుకొనే అందాల భరిణలా

ఏది జరిగినా,ఏదివిన్నా,ఏదితిన్నా

ఏదికన్నా చెప్పప్లనే ప్రేరణలా

నీమనసుని నీనవ్వుని తాజాగా

నిలపాలని కోరే ఆశలా

నిన్ను వదలి స్వర్గమైనా వెలా

తెలా పోతుందన్న ప్రేమలా

జీవితమంతా జల్లించినా

ఒక్క సఖి మిగిలినా చాలు

విషాద,విభ్రమ,విహ్వల,విరహంలో

అమృతపు చుక్కయి ఆదుకొంటుంది

అదిలేకపోతే గుండె ఆగిపోయే

స్నేహమే నాఊపిరి

నాకు దొరికింది స్నేహం

నాకు దొరికింది స్నేహం

స్నేహమా!చిరుగాలిలా చేరి

ప్రతి ఎదని సేదతీర్చు

మత్సరం లేని మనసు

మరక లేని స్నేహం

జన్మ జన్మల పుణ్యాల

చిరుమల్లెల సొగసు

{ పలకరించి,చిరునవ్వులు చిలకరించి,చెలిమితో నన్నలరించే

నాఫ్రెండ్స్ కి ఫ్రెండ్షిప్ డే కానుక.}