అమెరికా ఎందుకు వెళ్లాలి?

అమెరికా ఎప్పుడు వెళ్ళాలి?
కాబిన్ బాగేజి, హాండ్ బాగ్
రెండు చేతుల్తోపట్టుకొని
ఎస్కలేటర్ మీద సునాయాసంగా
ఎక్కగలిగేటప్పుడూ...........


స్వెటర్,కోటు,గ్లౌస్ ధరించి
సాక్స్,బూట్స్,క్షణంలో వేసుకొని
వేగంగా రెండు నిముషాలలో
బయలు దేర గలిగేటప్పుడు ......


పొద్దున నుంచి నిశి రాత్రిదాకా
ముద్దులు,కౌగిలింతలు,హత్యలు
కాల్చ డాలు ,నడి సముద్రాలలో
కుస్తీ పట్లు ఆంగ్ల టీ.వీలోచూడ
గలిగేటప్పుడు.............

పిజ్జని ప్రియురాలిగా,బేగల్ ని భాయీగా
పాస్తాని పిన్నమ్మగా,నూడిల్స్ని మేనల్లుడిల్ గా
టిమ్హార్టన్ కాఫీనిప్రాణప్రదంగా
ప్రేమించ గలిగేటప్పుడు............


ఇరుకో విశాలమో నువ్వుండవలసిన
ఇల్లులాటి జైలులోమాక్సిమం ఘంటలు
ఒంటరిగా,యాక్టివ్గాద్దాలకిటికీలోంచి
చూడగలిగేటప్పుడు.................


ఆనమ్మకం వుంటేనే వెళ్ళు
ముసలివాళ్ళకి మాత్రం

టీ. జ్ఞానప్రసూన

అమృతబిందువు

అరణ్యంలో కాలి బాటలా

ఎడారిలో చెలమలా

నీరవ నిశిరాత్రి చీకటిలో

దివ్య కరదీపికలా

చెంపలపై కారే కన్నీటిని

అదృశ్యంగా తుడిచే హస్తంలా

చూసిన ప్రతిసారి కళ్ళల్లో

నవ్వయి వెలిగే మనసులా

తెగిన ఆశల మాలల్ని నమ్మకంగా

దాచుకొనే అందాల భరిణలా

ఏది జరిగినా,ఏదివిన్నా,ఏదితిన్నా

ఏదికన్నా చెప్పప్లనే ప్రేరణలా

నీమనసుని నీనవ్వుని తాజాగా

నిలపాలని కోరే ఆశలా

నిన్ను వదలి స్వర్గమైనా వెలా

తెలా పోతుందన్న ప్రేమలా

జీవితమంతా జల్లించినా

ఒక్క సఖి మిగిలినా చాలు

విషాద,విభ్రమ,విహ్వల,విరహంలో

అమృతపు చుక్కయి ఆదుకొంటుంది

అదిలేకపోతే గుండె ఆగిపోయే

స్నేహమే నాఊపిరి

నాకు దొరికింది స్నేహం

నాకు దొరికింది స్నేహం

స్నేహమా!చిరుగాలిలా చేరి

ప్రతి ఎదని సేదతీర్చు

మత్సరం లేని మనసు

మరక లేని స్నేహం

జన్మ జన్మల పుణ్యాల

చిరుమల్లెల సొగసు

{ పలకరించి,చిరునవ్వులు చిలకరించి,చెలిమితో నన్నలరించే

నాఫ్రెండ్స్ కి ఫ్రెండ్షిప్ డే కానుక.}

వెలుగు

వెలుగు
నీలం కాదు,నలుపుకాదు
ఆకాశమంతా కారుమబ్బులు
కమ్ముకొన్నాయి
ఒక వూపు వాన
కురిసి వెలిసింది
మళ్ళీ కారుమబ్బులు
ఇంతలొ ఎక్కడినుంచో
వెలుగు--వెలుగు
బంగారం కరిగించి
చెట్ల తలలపై
పూసినట్లు
ఎక్కడో సి.ఐ.డి పెద్ద
టార్చి లైటు వేసి
చూస్తున్నట్లుగా కాంతి
వచ్చి పడింది
ఒకచో విడింది మబ్బు
ఒకపెద్ద సూర్య కిరణం
దూసుకొచ్చింది
ఫెళఫెళా
ఇంతలొవిరిసింది
అందమైన హరివిల్లు
ఆకాశంలొ పరుచుకొంది
విచిత్రం
ఇవాళ రెండు హరివిల్లులు

ఒకదానికి మరోటినీడా?
ఇంతవెలుగేమిటి?
రెండు హరివిల్లు లేమిటి?
విచిత్రం

పట్ట పగలు నక్షత్రాలు
పేరంటానికివెడుతున్నాయి
చెరువులో
ఒక్క దృశ్యం నిలుపుకో
మనసులొ
వెయ్యి నిరాశలను
తుడిపేస్తుంది.

మార్పు
ఉన్నత స్థితిని పొందలేము
ఉన్నస్థితిని బాగుచేసుకోలేము
అహంకారాన్ని అణచుకోఅలేము
కోఅరికల్ని కాలదన్నలేము

తృప్తి అనిపించే ఐహికసుఖాలలో
అసంతృప్తి ఏదో ఒకనాడు పైకివుబికి
నస్వర ప్రపంచపు తళుకుల్నుంచి
నన్నుతీసుకుపోఅవాలి

ఓఅపరమ గురువుల పాద సన్నిధికి
అప్పుడు బడలిన పువ్వుల
గురువులపాదాలకి అతుక్కుపోఅతుంది
నా అలసి సొలసిన మనస్సు
టి.జ్ఞాన ప్రసూన

సర్వధారి ఊగాది
సముద్రాలకవతల
సముద్రాలకివతల
ఒకేసారి వసంతం
ఒకేసారి పులకరింత
కాలందారపు
బంతిలాంటిది
బంతి మనేదుటే
కానీ దానికొస
కనిపించని
అదృశ్య హస్తంలో
కదుల్తూవుంటుంది
రుతుచక్రాలకి
పరధ్యాన్నంలేదు
మరుపులేదు
మానవుడికోఅసం
హెచ్చరికలు చేస్తూ
వేపపువ్వుకొత్తది
మామిడికాయ
వగరుపిందె
బెల్లం కూడా
ఇప్పుడేతయారయింది
చెరుకుగడ
పొలమ్నుంచి
పీకితెచ్చారు
చింతపండు
జివ్వుమంటూంది
అరటిపండు పండి
అయిదునిముషాలే అయింది
అంటూవూరిస్తూనే
కాలపురుషుడు
పక్కకు తిరిగి ఓఅరగా

నవ్వుకొంటాడు

'వీళ్ళకి వీళ్ళవయసు
నేచెప్తేగానీ తెలియదూ'
అందుకే
ఏటికేడాది ఊగాది
తీయని స్మృతుల ''గాదీ'
టి.జ్ఞాన ప్రసూన

ఓ మానవుడా!
సోదరమానవుడా!
చనిపోయినవాణ్ణి స్మరించడం కంటే
బ్రతికున్నవాణ్ణి బ్రతికేలాచెయ్యి
మనిషి నరాల్లో రక్తంపొంగి
పారుతున్నపుడే
మనిషి ముఖంలో నవ్వు వికసించినప్పుడే
మనిషి మస్తిష్కంలోభావాలు
దిశాంతాలు తకేటప్పుద్డే
మనిషి ఎదుటి మనిషి లోంచి
మానవత్వాన్ని చూడగలిగి నప్పుడే
మనిషిని గౌరవించు
అర్ధం చేసుకో, ఆదరించు
ప్రేమించు,కరుణ కురిపించు
కుంటివాణ్ణి పరుగెత్తించు,మూగవాణ్ణి నవ్వించు
బ్రద్దలయిన గునదెల్నిపోగుచేసి పోతపోయి
కారే కన్నీటిని,దోసిటపట్టి
దీపం వెలిగించు
మనిషిని గుర్తించేందుకు
మరణందాకా వేచివుండకు

సేవలోనే దోవ వున్నదిరా
ఓ జీవాజీవా
దోవలోనే దేముడున్నాడురా
సేవచేసే దోవచూసుకు
దోవలో దెముణ్ణి చూడరా
ధర్మ మర్ధము కామ మోక్షము
సేవలోనే దాగివున్నవిరా
టి.జ్ఞాన ప్రసూన

ఇదే తంతు
అవసరానికి సిం హాసనం వేసి
నీతిని నిజాయితీని
చెలికత్తెలుగాచేసి
వింజామ్రలు వీయిస్తున్నాడు
నేటి మానవుడు
కనపడని దానవుడు
తనకోరిక తన న్యాయం
తనుచెసింది,తనకుచట్టం
దీపమార్పిచీకటింట
సిరిదోస్తున్నాడు
పట్టపగలు నగరంలో
నట్టనడుమప్రాణం తీస్తున్నాడు
నేటి మానవుడు,కనపడని
దానవుడు
నేతలెవరు? దాతలెవరు?
కోతి సిమ్హమొకటేజాతి
ఆకలంటూవుంటేఅన్నమెవరి దైతేఅనె
రూకకోసం పీకతీసి
నాకమిదే అంటున్నాడు
నేటి మానవుడు
కనిపించని దానవుడు
ఘాంధీతాతా!
కదలిరావా?
బుధ్ధ భగవాన్ భువిని మరచావా?
ఏసు ప్రభువాఏదిదారి?
రామా,కృష్ణా రావలయ్యా
గుండె విరిచి గూడుకట్టిధర్మానికి నీడపట్టి
మారణ హోమం వద్దని
మొరపెట్టే మరో ఆత్మ
రావాలయ్యా రావాలి
దానవత్వం నశించాలి
మానవత్వం వికసించాలి
టీ. జ్ఞానప్రసూన

పలుకవే వీణియా

వాణి
పలుకవే వీణియా
బంగారుపాట
పలుకుముత్తెపు తల్లి
మొలకనవ్వులునవ్వ
బ్రతిమాలి,బామాలి
శృతిచేసినానే
గతితప్పి పోవకే
మదిలోని భావాల

మధురమౌ నీపాట
మనసురంజింప
నెచ్చి కమలదళాక్షి
మేలు దీవనలీయ
టి.జ్ఞాన ప్రసూన

తపన
కవిత్వం వ్రాయాలి
ఇవాళే వ్రాయాలి
ఇప్పుడేవ్రాయాలి
ఎలా?
ఎలాఏమిటి
తామర పత్రంలాటి
కాగితం కావాలి
ఇదుగో
లేడిలా పరుగెత్తే
కలంకావాలి
ఇదుగో
అందమైన కిటికీ పక్కన
మెత్తటి కుషనువేసిన
ఉయాలా వూగే
కుర్చీ కావాలి
ఇదుగో
బయట పచ్చని మైదానం
చ్ గుబురుగా చెట్ళు
చెట్లనిండా పక్షులు
వాటినిండా పూలు
పరిమళాలు కిటికీలోనుంచి
పరుగెత్తుకు రావాలి
ఇవిగో
వూహలు రేకెత్తిస్తూ
హృదయాన్ని కవ్వించే
సంగీతం కావాలి
ఇదుగో
ఇంకేమికావాలి?
పళ్ళా,పాలా?జిలేబీలా?
ఏదో కావాలి, ఇంకేదో కావాలి
ఆహా!ఇప్పుడు తెలిసింది
ప్రపంచం మరచిపోయి
ఆకాశపుటంచుల్లో
తెలిమబ్బులనావల్లో
పరుగెడుతూ
పాటలల్లడానికి
సృజనాత్మక శక్తి
ఉత్సాహమూ,ఊహా
నీకుకావాలి
అవేలేకపోఅతే
ఇవన్ని ఎన్నివున్నా''సున్నా'
టి.జ్ఞన ప్రసూన

సఖీ!చెలీ!
కళ్ళల్లో మెరుస్తున్న కాంతి దాచుకోకు
మళ్ళీమళ్ళీ పెదవులపై మల్లెపూలు పూయనీ
మదిలోపల మాత్సర్యం మదం పెంచుకోకు
అదికాదు వాటికిచోటు
అక్కడ
అంటే నీఅంతరంగంలో
అల్లుకుపోవాలని
ఆతృత పడుతున్నాయి
అంతులేని భావాల
భామామణులు
శాంతి, సత్యం
కరుణా సేవా
వినయం, విజ్ఞానం
వాటికియ్యి చోటొకింత
గుంపులో ఒక మనిషిగా
గుర్తింప బడతావు
ఎక్కడో
ఉన్నత స్థానంలో
నువ్వు నిలబడితే
అప్పుడేపూస్తాయి
నాకళ్ళల్లో పారిజాతాలు
టి.జ్ఞాన ప్రసూన

భవానీ
సంగతి కనుగొన్నావే
సరసమయీ
సారసలోచనీ భవానీ నా
సారము లేని సంసారము లోబడి
పారము గానక పరిపరి పొగిలే
దేవళములు దర్శింపగలేను
వేద శాస్త్రములు చదువగలేను
నీపద సన్నిధి నిశ్చల మదితో
నిముషమైన నే నిలువగ లేను
పొద్దు,పొద్దునా పొట్టకూటికై
యుధ్ధము చేసెడి ఈక్షణములలో
నీపద సన్నిధి ఒక పువ్వైనా
పెట్టలేని ఈపేద బ్రతుకు నా
ఒక పాటైనా పాడగ లేను,
ఒకమాటైనా పలుకగ లేను
నీకరుణామృత వర్షము కొరకై
చీకటి చిప్పలో చింతిలు చున్నాను

ఎండకి ఎండ చలికి చలి
ఏదో ఒకటి వుంటూనే వుంటుంది
పృకృతితన విధుల్ని తాను నిర్వర్తిస్తుంటే
మనిషెందుకు మత్తుగా పడివుంటాడు?
కాళ్ళు జాపి కూర్చుంటే
గంజి చుక్క దోరుకుతుందా?
కంటినీరు ఇంకుతుందా?

నువ్వు నన్ను రక్షిస్తే నేను నిన్ను రక్షిస్తా
నువ్వూ నేనూ తోబుట్టువులం
నను నరకకు రా ఓబాబూ!
గొడుగై చల్లని నీదిస్తా
ఫలమై ఆకలి తీరుస్తా
పూవై కంటిని మురిపిస్తా
తావై నాసిక నలరిస్తా

సూర్యుడు నేతా నేనతని దూతా
సూర్యుడు ఇచ్చిన శక్తిని తెచ్చి
మీకిచ్చి మీకెంతో మేలు చేస్తా
నా గాలి పీల్చి నా మేలు మరువకు

నువ్వూ నేనూకలుద్దాం
నింగికి నేలకు నిచ్చెన వేద్దాం
సశ్య శ్యామల శోభిత మైన
నందనవనమును సృష్టిద్దాం

సహకార సహ జీవనములలో
సమ్యమనము సాధిద్దాం

నీకెలా తెలుసు?
చిన్నగా నీలంగా వుండే
అడవిపూలు కిటికీలో
మూలగా పెడితే
నాకిష్టమని నీకెలాతెలుసు?
కిటికీకి ఎదురుగా
నిల్చోగానే నువ్వు
నాకెదురయావు
నీకు తెలియదు నిన్ను
నేనెంత ప్రేమిస్తున్ననో
అందాన్ని ఆరాధించే
పరమ పూజారిని నేను
నీరూప కల్పిత చిత్రాలు
అపుడపుడూ నిద్రలో
నన్ను పలకరిస్తాయి
పిలుస్తాయి,నాతో
సంభాషిస్తాయి
తీవ్ర మైన కోర్కెలోనే
దేవుడున్నాడు
అకుంఠిత కార్య దీక్షలోనే
అనతానందం వుంది
అదేనాకిష్టం,

మనిషి మనసును కొలవగలమా?
అదిఒక్సారి ఆకాశం
ఒకసారి సముద్రం
ఒకసారిలోయ
ఒక సారిగాలి
ఒక సారి వెల్తురు
కానీ
ఒకసారి చీమకాలంత
కృషితో ఆకర్షణతో
దీన్ని జయించగలం
అందుకే ఎవరుో
ఎలాప్రేమిస్తారో
ఎవర్ని ప్రేమిస్తార
ఎందుకు ప్రేమిస్తారో
అందుకోలేని ప్రశ్న
అందనిజవాబు
చిగురుని మొగ్గని
చిరుకెరటాన్ని
దీపసిఖని
ప్రేమించేవాళ్ళు
విశ్వంలోని ప్రతి
వైచిత్ర్యాన్ని,శబ్దాన్ని
ప్రేమించగలరు
నేనూ అంతేనేమో
కానీ నీకెలాచెప్పను
నిన్నెంతగా

నలభై ఇటుకల మధ్య
ఎంత చక్కటి స్థలాన్నిసౄష్టించావు
ఏకాంతము,నిశ్శబ్దము
స్వచ్చ వాతావరనం
ఎక్కడ కూర్చుంటే
అక్కడే ఋతువులు
గడిపేయాలని వుంది
వాకిట్లో లాంతరుపూలు
ఉల్లాసంగా ఊగినపుడు
ఇంటిలోపల వసారాలొ
మనీ ప్లాంట్ జాలర్లు
ఆకుపచ్చగా వూగుతూ
మొఖానికి తగిలినపుడు
బాత్రూంలో కార్నెర్
బల్లపై తెల్ల ఆవులజత
తలలూపినపుడు
దేవాలయంలోనంది
హాలులో ష్తిమితంగా
నెమరువేస్తున్నపుడు

పడక గదిలో ఓమూల పరచినరాళ్ళపై
ఆనందపు స్రవంతులు అదృశ్యంగా ప్రవహిస్తూ
గలగలలువినిపించినపుడు
బారుగా వ్రేలాడేఎర్రంచు ''చిక్''లమధ్యకూర్చున్నపుడు
నీకెలాచెప్పను నిన్నెంతగా ప్రేమిస్తున్నా నో

వన్నెవన్నెల గాజులు

చిన్నారి చేతులకు వన్నె వన్నెల గాజులోయ్
కన్నెపిల్ల కలలన్నీకలబోసిన గాజులోయ్
ముత్యాల గాజులోయ్ మురిపాల గాజులోయ్
రతనాల గాజులోయ్ రమణులకు మోజులోయ్

సుమంగళి గాజులోయ్ శుభమైన గాజులోయ్
సేసల ఆశీస్సులు కురిపించే మణిపూసలోయ్
ఎర్రగాజులేసుకొంటె ఎదురై మొగుడొస్తాడు
పచ్చగాజులేసుకొంటె బావమురిసిపోతాడు

నీలపు గాజులు వేస్తె నీకు నువ్వే సాటి
ఆకుపచ్చ గాజులైతె అడిగావా నీసోకు
రంగురంగులేసుకొంటె రసికులకు సవాలోయ్
తళుకుబెళుకు లేసుకొంటె తంటాలేవుండవోయ్

అద్దాలగాజులోయ్ అలరించేగాజులోయ్
ముద్దు ముద్దు గాజులోయ్ బిళ్ళారి గాజులోయ్
వంకీల గాజులోయ్ వయ్యారుల గాజులోయ్
వజ్రాల గాజులోయ్ వయసు మురిపించే గాజులోయ్


ఈగాజులు వేసుకొనే ఝాన్సీ పోరాడింది
ఈగాజులు వేసుకొనే మొల్ల కవిత వ్రాసింది
ఈగాజులు వేసుకొనే మన దుర్గ సేవ చేసింది
ఈగాజులు వేసుకొనే శ్రీరంగం పాడింది

దీర్ఘ సుమంగళీభవ
ఆరోగ్యమస్తు ఐశ్వర్య మస్తు
పుత్ర పౌత్ర ప్రాప్తిరస్తు
ధన ధాన్య కనక సమ్రుధ్ధిరస్తు.

రచన టీ.జ్ఞానప్రసూన