పేరు 2

[2] పేరు
'ఏమిటీ"అన్నాను నేను.దాక్షాయని అనె పేరువిన్నా గానీ నీ పేరు దాక్షవని
ఏమో?అన్నాను కాదండీ! ద్రాక్షావళి అంది."ళ,ళ"అని రెండుసార్లు చెప్పింది.
మేము చిన్నప్పుడు తెలుగువ్యాసం వ్రాసేటప్పుడు,దీపావళి వ్యాసం వ్రాస్తూ
"దీప"అంటే దీపము,"వళి"అంటే వరుస సమూహము అనివ్రాసేవాళ్ళము.ద్రాక్షా
వళి అంటే ద్రాక్షల వరుస లేక సమూహము కాబోలు అని గుణించుకొన్నాను.
ఆ అమ్మాయి పేరు "ద్రాక్ష గుత్తి" అన్నమాట. పేరు చాలా పొయిటిక్ గా అని
పించింది.నాకు నచ్చింది.పేరులో ఏముంది అంటారు గానీ అంతా పేరులోనేవుంది.
ఒకగొప్ప వ్యక్తి వున్నారనుకోండి, ఆయన గతించినా ఆయన పేరు చెప్పగానే
ఆయనతో పరిచయ మున్న వారికి ఆయనరూపం,ఆయన వ్యక్తిత్వముఒక్కసారి కళ్ళముందు నిలుస్తాయి.ఓహో!ఆయనా! అంటారు.కొందరిని చూడకుండానే పేరు విని
స్నెహం చెయ్య బుధ్ధి పుడుతుంది. కొన్ని పేర్లు ఎంతో బాగుండి మనకీ ఇ పేరుంటే ఎంత బాగుండేది అనిపిస్తుంది. నిజమే! ఎవరో అన్నాట్లు కొనాపెట్టని పేరుకూడా ఒక్కటే పెట్టుకోవడమేమిటి? అనిపిస్తుంది.కనీ ఎక్కువ పేర్లతో తంటాలుకదా?
ఇప్పుడు పిల్లలకి పేర్లు చాలా వెతికివెతికి పెడుతున్నారు. వీని భావమేమి వెంకటేశా! దీనిభావమేమి తిరుమలేశాఆ!అని శబ్దార్ధ చంద్రిక తిరగెయ్యాల్సి వస్తూంది.ఆ అమ్మాయితో నీపేరు చాలా కొత్తగా వుందే,ఇంతవరకు నేవినలేదు,అన్నాను.ఆ అమ్మాయి నవ్వి భైబిల్ లొఫలానా చోట వుంది,అని చెప్పింది.
నువ్వు చదువుకొన్నావా?అంటే పదిదాకా చదివానడీ!అంది.అందుకే పెరు గురించి చెప్పగలిగింది.మొన్నఒకరు కవలపిల్లలు పుడితే,'త్రుప్తి,త్రుష్ణాఅనిపేర్లు పెట్టారు.మొన్న ఒక పాపకి"వేదయుక్తి" అని పేరుపెట్టారు.కొందరి ఇళ్ళల్లో అయిదారుగురు "సుబ్బయ్యలూఅయిదారుగురు"వెంకయ్యలు"వుంటారు.అవి వాళ్ళ ఇంటి ఇలవేల్పుల పేరు అయివుంటుంది.వాళ్ళని చినసుబ్బయ్య,నల్ల సుబ్బయ్య,పొడుగు సుబ్బడూని పిలుస్తూ వుంటారు. మనకి పరిచయమయిన ప్రతి వ్యక్తి పేరు గుర్తుంచుకోవడం ఒక గొప్ప అద్రుష్టం. కొందరికి ప్రెసిడెంట్ మేనకోడలిపేరుకూడా గుర్తుపెట్టుకు చెపుతారు.మనిషిని పేరుతో పిలిస్తే వచ్చే స్పందన చుట్టరికంతో,ముద్దుపెరుతో పిలిస్తేరాదు. పేరుతో పిలిస్తే ఒక ఆప్యాయత వస్తుంది.మనపేరుగుర్తుంచుకొన్నారనే ఆనందం వుంటుంది.మనకేచెపుతున్నారనే గట్టి నమ్మకం వుంటుంది. అపేర్లు అందంగా వుంటే మళ్ళి మళ్ళీ పిలవాలని అనిపిస్తుంది.